2:27 PM
Hardeep Singh Mann
ਜੇਕਰ ਡਿਸਕ ਆਪਣੀ ਜਗ੍ਹਾ ਤੋਂ ਬਾਹਰ ਨਿਕਲ ਜਾਵੇ ਤਾਂ ਆਪ੍ਰੇਸ਼ਨ ਦੀ ਲੋੜ ਪੈਂਦੀ ਹੈ। ਰੀੜ੍ਹ ਦੀ ਹੱਡੀ ਦੀ ਡਿਸਕ ਮਨੁੱਖੀ ਸਰੀਰ ਵਿਚ ਪਾਣੀ ਦੀ ਘਾਟ ਹੋਣ ਨਾਲ ਫਟ ਜਾਂਦੀ ਹੈ ਜਾਂ ਫੈਲ ਜਾਂਦੀ ਹੈ। 80 ਫੀਸਦੀ ਮਰੀਜ਼ਾਂ ਨੂੰ ਅਸੀਂ ਆਰਾਮ ਕਰਨ ਦੀ ਸਲਾਹ ਦਿੰਦੇ ਹਾਂ ਜਾਂ ਫਿਰ ਫਿਜ਼ੀਓਥੈਰੇਪੀ ਅਤੇ ਆਧੁਨਿਕ ਮਸ਼ੀਨਾਂ ਰਾਹੀਂ ਇਲਾਜ ਕੀਤਾ ਜਾਂਦਾ ਹੈ, ਜਿਸ ਵਿਚ ਮਰੀਜ਼ਾਂ ਨੂੰ ਨਾ ਤਾਂ ਬੇਹੋਸ਼ ਕੀਤਾ ਜਾਂਦਾ ਹੈ ਅਤੇ ਨਾ ਹੀ ਦਰਦ ਹੁੰਦਾ ਹੈ। ਮਰੀਜ਼ ਨੂੰ ਹੌਲੀ-ਹੌਲੀ 8-10 ਹਫ਼ਤਿਆਂ ਵਿਚ ਇਸ ਬੀਮਾਰੀ ਤੋਂ ਛੁਟਕਾਰਾ ਮਿਲ ਜਾਂਦਾ ਹੈ ਅਤੇ ਸਿਰਫ਼ 15-20 ਫੀਸਦੀ ਮਰੀਜ਼ਾਂ ਨੂੰ ਆਪ੍ਰੇਸ਼ਨ ਦੀ ਲੋੜ ਪੈਂਦੀ ਹੈ।
ਸਾਵਧਾਨੀਆਂ :
* ਸਭ ਤੋਂ ਪਹਿਲਾਂ ਸਰਵਾਈਕਲ ਜਾਂ ਕਮਰ ਦਰਦ ਦਾ ਕੀ ਕਾਰਨ ਹੈ, ਪੂਰੀ ਜਾਣਕਾਰੀ ਆਪਣੇ ਡਾਕਟਰ ਤੋਂ ਲੈਣੀ ਚਾਹੀਦੀ ਹੈ।
* ਤੇਜ਼ ਦਰਦ ਦੀ ਤਕਲੀਫ ਵਿਚ ਮਰੀਜ਼ ਨੂੰ ਕੰਪਲੀਟ ਆਰਾਮ ਅਤੇ ਹਲਕੀ-ਫੁਲਕੀ ਸਵੇਰ-ਸ਼ਾਮ ਮਾਲਿਸ਼ ਕਰਵਾਉਣੀ ਲਾਜ਼ਮੀ ਹੈ, ਜਿਸ ਨਾਲ ਆਮ ਦਰਦ ਠੀਕ ਹੋ ਜਾਂਦੀ ਹੈ।
* ਦਰਦ ਨਿਵਾਰਕ ਗੋਲੀਆਂ ਅਤੇ ਟੀਕੇ ਦੀ ਘੱਟ ਤੋਂ ਘੱਟ ਵਰਤੋਂ ਕਰਨੀ ਚਾਹੀਦੀ ਹੈ।
* ਆਪਣੇ ਸਰੀਰ ਨੂੰ ਤਣਾਅ ਵਿਚ ਨਾ ਰੱਖੋ।
* ਭਾਰੀਆਂ-ਭਾਰੀਆਂ ਵਸਤਾਂ ਜਾਂ ਚੀਜ਼ਾਂ ਨੂੰ ਚੁੱਕਣ-ਥੱਲਣ ਵਿਚ ਪ੍ਰਹੇਜ਼ ਕਰੋ।
* ਹਮੇਸ਼ਾ ਪਾਸਾ ਲੈ ਕੇ ਬੈੱਡ ਉਤੋਂ ਉੱਠਣਾ ਚਾਹੀਦਾ ਹੈ।
* ਬੈੱਡ ‘ਤੇ ਗੱਦੇ ਦੀ ਥਾਂ ‘ਤੇ ਹਲਕੀ ਤਲਾਈ ਦੀ ਵਿਛਾਈ ਕਰੋ।
* ਮਰੀਜ਼ ਨੂੰ ਲੰਮਾ ਸਮਾਂ ਬੈਠਕ ਨਹੀਂ ਕਰਨੀ ਚਾਹੀਦੀ।
* ਮਰੀਜ਼ ਨੂੰ ਟੇਢੇ-ਮੇਢੇ ਢੰਗ ਨਾਲ ਨਹੀਂ ਬੈਠਣਾ ਚਾਹੀਦਾ।
* ਆਪਣੀ ਰੋਜ਼ਾਨਾ ਦੀ ਖੁਰਾਕ ਵਿਚ ਹਰੇ ਪੱਤੇਦਾਰ ਸਬਜ਼ੀਆਂ, ਤਾਜ਼ੇ ਫਲਾਂ ਦਾ ਜੂਸ ਗ੍ਰਹਿਣ ਕਰਨਾ ਚਾਹੀਦਾ ਹੈ।
* ਮਰੀਜ਼ ਨੂੰ ਆਪਣੇ ਭੋਜਨ ਵਿਚ ਵਿਟਾਮਿਨ-ਡੀ ਦੀ ਵਰਤੋਂ ਕਰਨੀ ਚਾਹੀਦੀ ਹੈ।
ਜੇਕਰ ਕੋਈ ਮਰੀਜ਼ ਇਨ੍ਹਾਂ ਗੱਲਾਂ ‘ਤੇ ਅਮਲ ਕਰਦਾ ਹੈ ਤਾਂ ਫਿਰ ਆਪ੍ਰੇਸ਼ਨ ਅਤੇ ਮਹਿੰਗੀਆਂ ਦਵਾਈਆਂ ਤੇ ਜ਼ਿੰਦਗੀ ਦਾ ਕੀਮਤੀ ਸਮਾਂ ਤੇ ਪੈਸਾ ਨਸ਼ਟ ਹੋਣੋਂ ਬਚ ਜਾਂਦਾ ਹੈ। ਡਾ. ਰਾਮਾ ਅਨੁਸਾਰ¸ਮਰੀਜ਼ ਨੂੰ ਰੀੜ੍ਹ ਦੀ ਕੋਈ ਵੀ ਤਕਲੀਫ ਹੋਣ ‘ਤੇ ਚੰਗੇ ਕਾਬਿਲ ਡਾਕਟਰ ਜਾਂ ਫਿਜ਼ੀਓ ਸੰਬੰਧੀ ਚੈੱਕਅਪ ਕਰਵਾਉਣਾ ਲਾਜ਼ਮੀ ਹੈ।
ਧੰਨਵਾਦ ਸਾਹਿਤ ਜਗ ਬਾਣੀ 'ਚੋਂ 05.08.2011
