7:14 AM
Hardeep Singh Mann
ਨੂੰਹ ਨੂੰ ਜਿੰਨਾ ਦੇਵੋਗੇ ਉਸ ਤੋਂ ਜ਼ਿਆਦਾ ਪਾਓਗੇ - ਸੁਨੀਤਾ ਗਾਬਾ
ਨੂੰਹ ਤੋਂ ਆਦਰ-ਸਤਿਕਾਰ ਦੀ ਆਸ ਰੱਖਦੇ ਹੋ ਤਾਂ ਤੁਹਾਨੂੰ ਵੀ ਨੂੰਹ ਦੇ ਰਿਸ਼ਤੇਦਾਰਾਂ ਪ੍ਰਤੀ ਕੁਝ ਫਰਜ਼ ਪੂਰੇ ਕਰਨੇ ਚਾਹੀਦੇ ਹਨ।
• ਸੱਸ-ਸਹੁਰੇ ਨੂੰ ਅਜਿਹੇ ਮੌਕਿਆਂ 'ਤੇ ਨੂੰਹ ਨੂੰ ਪੂਰਾ ਸਹਿਯੋਗ ਦੇਣਾ ਚਾਹੀਦਾ ਹੈ ਨਾ ਕਿ ਉਸ ਨੂੰ ਇਹ ਕਹਿਣਾ ਚਾਹੀਦਾ ਹੈ ਕਿ ਉਥੇ ਤੇਰੀ ਦੂਰ ਦੀ ਰਿਸ਼ਤੇਦਾਰੀ ਹੈ, ਤੂੰ ਉਥੇ ਨਾ ਜਾ। ਇਹ ਵੀ ਹੋ ਸਕਦਾ ਹੈ ਕਿ ਵਿਆਹ ਤੋਂ ਪਹਿਲਾਂ ਉਸ ਦੇ ਉਸ ਪਰਿਵਾਰ ਨਾਲ ਸੰਬੰਧ ਬਹੁਤ ਸੁਖਾਵੇਂ ਰਹੇ ਹੋਣ।
• ਨੂੰਹ ਨੂੰ ਇੰਨੀ ਆਜ਼ਾਦੀ ਦੇਣੀ ਚਾਹੀਦੀ ਹੈ ਕਿ ਉਹ ਆਪਣੇ ਰਿਸ਼ਤੇਦਾਰਾਂ ਦੇ ਬਿਨਾਂ ਕਿਸੇ ਰੋਕ-ਟੋਕ ਦੇ ਆ-ਜਾ ਸਕੇ।
• ਨੂੰਹ ਨੂੰ ਆਪਣੇ ਸੰਬੰਧਾਂ ਅਨੁਸਾਰ ਆਪਣੇ ਰਿਸ਼ਤੇਦਾਰਾਂ ਨਾਲ ਲੈਣ-ਦੇਣ ਦੀ ਵੀ ਖੁੱਲ੍ਹ ਹੋਣੀ ਚਾਹੀਦੀ ਹੈ। ਬਿਨਾਂ ਸਲਾਹ ਮੰਗੇ ਉਸ 'ਤੇ ਆਪਣੇ ਵੱਲੋਂ ਕੁਝ ਨਾ ਥੋਪੋ, ਇਸ ਨਾਲ ਸੰਬੰਧ ਵਿਗੜ ਸਕਦੇ ਹਨ।
• ਸੱਸ-ਸਹੁਰੇ ਨੂੰ ਇਹ ਸਹਿਯੋਗ ਵੀ ਕਰਨਾ ਚਾਹੀਦਾ ਹੈ ਕਿ ਜਿਥੇ ਬੱਚੇ ਲਿਜਾਣਾ ਜ਼ਰੂਰੀ ਨਾ ਹੋਵੇ, ਉਥੇ ਉਹ ਬੱਚੇ ਨਾ ਲੈ ਕੇ ਜਾਵੇ। ਉਨ੍ਹਾਂ ਨੂੰ ਖੁਸ਼ੀ ਨਾਲ ਬੱਚੇ ਆਪਣੇ ਕੋਲ ਰੱਖਣੇ ਚਾਹੀਦੇ ਹਨ। ਇਸ ਨਾਲ ਇਕ ਹੋਰ ਫਾਇਦਾ ਇਹ ਹੁੰਦਾ ਹੈ ਕਿ ਜਦੋਂ ਨੂੰਹ ਅਤੇ ਬੇਟੇ ਨੇ ਕਿਤੇ ਦੂਰ ਜਾਣਾ ਹੋਵੇ ਤਾਂ ਬੱਚੇ ਉਨ੍ਹਾਂ ਕੋਲ ਰਹਿ ਸਕਦੇ ਹਨ।
• ਜਿਥੇ ਨੂੰਹ ਦੀ ਇੱਜ਼ਤ ਦਾ ਸਵਾਲ ਹੋਵੇ ਅਤੇ ਸੱਸ-ਸਹੁਰਾ ਤੰਦਰੁਸਤ ਹੋਣ ਤਾਂ ਉਨ੍ਹਾਂ ਨੂੰ ਵੀ ਨੂੰਹ ਦੇ ਰਿਸ਼ਤੇਦਾਰਾਂ ਦੇ ਸਮਾਗਮਾਂ ਵਿਚ ਜਾਣਾ ਚਾਹੀਦਾ ਹੈ। ਇਸ ਨਾਲ ਸੰਬੰਧ ਹੋਰ ਵਧੀਆ ਬਣਨਗੇ।
ਇਸ ਪ੍ਰਕਾਰ ਜੇਕਰ ਸਹੁਰੇ ਘਰ ਵਾਲੇ ਨੂੰਹ ਦੇ ਭੈਣ-ਭਰਾਵਾਂ ਨੂੰ ਉਸੇ ਨਜ਼ਰ ਨਾਲ ਦੇਖਣ, ਜਿਸ ਨਜ਼ਰ ਨਾਲ ਉਹ ਆਪਣੇ ਰਿਸ਼ਤੇਦਾਰਾਂ ਨੂੰ ਦੇਖਦੇ ਹਨ ਤਾਂ ਨੂੰਹ ਆਪਣੇ ਪਰਿਵਾਰ ਵਾਲਿਆਂ ਦਾ ਜ਼ਰੂਰ ਖਿਆਲ ਰੱਖੇਗੀ। ਸੁਖੀ ਪਰਿਵਾਰ ਲਈ ਸੱਸ-ਸਹੁਰੇ ਦਾ ਸਹਿਯੋਗ ਓਨਾ ਹੀ ਜ਼ਰੂਰੀ ਹੈ ਜਿੰਨਾ ਉਹ ਨੂੰਹ ਤੋਂ ਉਮੀਦ ਰੱਖਦੇ ਹਨ।
ਨੂੰਹ ਨੂੰ ਬਹੁਤ ਭਾਸ਼ਣ ਦੇ ਕੇ ਜਾਂ ਰੋਕ-ਟੋਕ ਕੇ ਸਮਝਾਉਣ ਤੋਂ ਚੰਗਾ ਹੈ ਕਿ ਉਸ ਦੀਆਂ ਭਾਵਨਾਵਾਂ ਦੀ ਵੀ ਕਦਰ ਕੀਤੀ ਜਾਵੇ।
ਧੰਨਵਾਦ ਸਾਹਿਤ ਅਜੀਤ ਜਲੰਧਰ 'ਚੋਂ 03.02.2011
ਮਾਂ ਦਾ ਸਹੁਰੇ ਘਰ ਵਿਚ ਦਖ਼ਲ ਕਿਸ ਹੱਦ ਤੱਕ? - ਪਲਵਿੰਦਰ ਢੁੱਡੀਕੇ
ਹਰ ਇਕ ਲੜਕੀ ਨੇ ਇਕ ਨਾ ਇਕ ਦਿਨ ਸਹੁਰੇ ਘਰ ਜਾਣਾ ਹੈ। ਸਹੁਰੇ ਘਰ ਵਿਚ ਲੜਕੀ ਲਈ ਸਭ ਅਜਨਬੀ ਹੁੰਦੇ ਹਨ। ਇਸੇ ਕਾਰਨ ਸਹੁਰੇ ਘਰ ਵਿਚ ਲੜਕੀ ਦੀ ਭੂਮਿਕਾ ਬੜੀ ਅਹਿਮ ਹੁੰਦੀ ਹੈ। ਉਸ ਤੋਂ ਵੀ ਮਹੱਤਵਪੂਰਨ ਹੈ ਲੜਕੀ ਦੇ ਮਾਪਿਆਂ, ਵਿਸ਼ੇਸ਼ ਤੌਰ 'ਤੇ ਲੜਕੀ ਦੀ ਮਾਂ ਦੀ ਭੂਮਿਕਾ। ਭਾਵ ਲੜਕੀ ਦੇ ਵਿਆਹ ਤੋਂ ਬਾਅਦ ਲੜਕੀ ਦੀ ਮਾਂ ਦੀ ਭੂਮਿਕਾ ਵੀ ਬੜੀ ਅਹਿਮ ਹੁੰਦੀ ਹੈ। ਲੜਕੀ ਦੀ ਮਾਂ ਵੱਲੋਂ ਦਿੱਤੀ ਗਈ ਸਿੱਖਿਆ ਸਹੁਰੇ ਘਰ ਵਿਚ ਲੜਕੀ ਦੇ ਜੀਵਨ ਨੂੰ ਸਵਰਗ ਵੀ ਬਣਾ ਸਕਦੀ ਹੈ ਤੇ ਨਰਕ ਵੀ। ਕੁਝ ਮਾਪੇ ਆਪਣੀ ਲੜਕੀ ਨੂੰ ਆਪਣੇ ਘਰ ਵਿਚ ਲੋੜ ਤੋਂ ਵੱਧ ਮਾਸੂਮ ਤੇ ਲਾਡਲੀ ਬਣਾ ਕੇ ਰੱਖਦੇ ਹਨ ਅਤੇ ਸਹੁਰੇ ਘਰ ਵਿਚ ਵੀ ਆਪਣੀ ਲੜਕੀ ਪ੍ਰਤੀ ਅਜਿਹਾ ਹੀ ਚਾਹੁੰਦੇ ਹਨ ਪਰ ਅਜਿਹਾ ਅਸੰਭਵ ਹੈ। ਇਸ ਦਾ ਭਾਵ ਇਹ ਨਹੀਂ ਕਿ ਲੜਕੀ ਦੇ ਸੱਸ-ਸਹੁਰਾ ਉਸ ਨੂੰ ਪਿਆਰ ਨਹੀਂ ਕਰਦੇ ਪਰ ਲੜਕੀ ਦੇ ਪੇਕਿਆਂ ਵੱਲੋਂ ਪੇਕੇ ਘਰ ਜਿਹਾ ਮਾਹੌਲ ਚਾਹੁਣਾ ਮੁਮਕਿਨ ਨਹੀਂ ਹੋ ਸਕਦਾ। ਬੇਸ਼ੱਕ ਇਹ ਗੱਲ ਸਾਰੀਆਂ ਮਾਵਾਂ ਉੱਪਰ ਨਹੀਂ ਢੁਕਦੀ ਪਰ ਜ਼ਿਆਦਾਤਰ ਦੇਖਿਆ ਗਿਆ ਹੈ ਕਿ ਕਈ ਮਾਵਾਂ ਆਪਣੀ ਲੜਕੀ ਦੇ ਸਹੁਰੇ ਘਰ ਵਿਚ ਬਹੁਤ ਜ਼ਿਆਦਾ ਬੇਲੋੜਾ ਦਖਲ ਦਿੰਦੀਆਂ ਹਨ। ਸਮੱਸਿਆਵਾਂ ਹਰ ਘਰ ਵਿਚ ਹੁੰਦੀਆਂ ਹਨ ਤੇ ਉਹ ਘਰ ਵਿਚ ਹੀ ਸੁਲਝਾਈਆਂ ਜਾ ਸਕਦੀਆਂ ਹਨ ਪਰ ਲੜਕੀ ਦੀ ਮਾਂ ਵੱਲੋਂ ਬੇਲੋੜੇ ਦਖਲ ਕਾਰਨ ਸਮੱਸਿਆਵਾਂ ਸੁਲਝਣ ਦੀ ਬਜਾਏ ਇਸ ਕਦਰ ਉਲਝ ਜਾਂਦੀਆਂ ਹਨ ਕਿ ਕਈ ਵਾਰ ਨਤੀਜੇ ਬੜੇ ਹੀ ਦੁਖਦਾਈ ਹੁੰਦੇ ਹਨ। ਨਿੱਕੀਆਂ-ਨਿੱਕੀਆਂ ਗੱਲਾਂ ਲੜਕੀ ਦੇ ਜੀਵਨ ਵਿਚ ਹੀ ਜ਼ਹਿਰ ਘੋਲ ਦਿੰਦੀਆਂ ਹਨ। ਤਜਰਬੇ ਦੀ ਘਾਟ ਕਾਰਨ ਜੇਕਰ ਲੜਕੀ ਆਪਣੇ ਸਹੁਰੇ ਪਰਿਵਾਰ ਦੀ ਕੋਈ ਗੱਲ ਆਪਣੀ ਮਾਂ ਨਾਲ ਕਰਦੀ ਵੀ ਹੈ ਤਾਂ ਲੜਕੀ ਦੀ ਮਾਂ ਨੂੰ ਉਸ ਨੂੰ ਸਹੀ ਸਿੱਖਿਆ ਦੇਣੀ ਚਾਹੀਦੀ ਹੈ ਤੇ ਆਪਣੇ ਸਹੁਰੇ ਘਰ ਦੇ ਮਾਹੌਲ ਨੂੰ ਕਿਵੇਂ ਠੀਕ ਰੱਖਣਾ ਹੈ, ਇਹ ਤੇਰੀ ਜ਼ਿੰਮੇਵਾਰੀ ਹੈ ਪਰ ਅਕਸਰ ਦੇਖਿਆ ਗਿਆ ਹੈ ਕਿ ਜ਼ਿਆਦਾਤਰ ਮਾਵਾਂ ਆਪਣੀ ਲੜਕੀ ਨੂੰ ਪੁੱਠੇ ਰਾਹ ਤੋਰਦਿਆਂ ਅਕਸਰ ਕਹਿੰਦੀਆਂ ਹਨ ਕਿ ਤੂੰ ਪ੍ਰਵਾਹ ਨਾ ਕਰੀਂ, ਅਸੀਂ ਬੈਠੇ ਹਾਂ।
ਇਸ ਹਾਲਾਤ ਵਿਚ ਲੜਕੀ ਦੇ ਸਹੁਰੇ ਘਰ ਵਿਚ ਕਿਹੋ ਜਿਹਾ ਮਾਹੌਲ ਬਣੇਗਾ, ਇਹ ਅੰਦਾਜ਼ਾ ਸਹਿਜੇ ਹੀ ਲਗਾਇਆ ਜਾ ਸਕਦਾ ਹੈ। ਕਈ ਵਾਰ ਲੜਕੀ ਦੇ ਪੇਕੇ ਲੜਕੀ ਦੇ ਪਤੀ ਦੀ ਆਰਥਿਕ ਤੌਰ 'ਤੇ ਮਦਦ ਵੀ ਕਰਦੇ ਹਨ। ਇਹ ਮਦਦ ਵੀ ਇਸ ਤਰੀਕੇ ਨਾਲ ਹੋਣੀ ਚਾਹੀਦੀ ਹੈ ਕਿ ਉਸ ਦੇ ਪਤੀ ਨੂੰ ਕੋਈ ਹੀਣ-ਭਾਵਨਾ ਮਹਿਸੂਸ ਨਾ ਹੋਵੇ। ਇਕ ਹੋਰ ਅਹਿਮ ਗੱਲ ਇਹ ਹੈ ਕਿ ਲੜਕੀ ਨੂੰ ਚਾਹੀਦਾ ਹੈ ਕਿ ਜੇਕਰ ਉਹ ਆਪਣੀ ਸੱਸ ਦੀ ਕਿਸੇ ਵੀ ਗ਼ਲਤ ਗੱਲ ਦਾ ਵਿਰੋਧ ਕਰਦੀ ਹੈ ਤਾਂ ਉਸ ਨੂੰ ਆਪਣੀ ਮਾਂ ਵੱਲੋਂ ਦਿੱਤੀ ਜਾ ਰਹੀ ਕਿਸੇ ਵੀ ਗ਼ਲਤ ਰਾਇ ਦਾ ਵੀ ਡਟ ਕੇ ਵਿਰੋਧ ਕਰਨਾ ਚਾਹੀਦਾ ਹੈ। ਐਸਾ ਕਰਨ ਨਾਲ ਲੜਕੀ ਦੀ ਆਪਣੇ ਸਹੁਰੇ ਘਰ ਵਿਚ ਇੱਜ਼ਤ ਤਾਂ ਵਧੇਗੀ ਹੀ ਪਰ ਨਾਲ ਹੀ ਇਕ ਵੱਖਰੀ ਪਹਿਚਾਣ ਵੀ ਬਣੇਗੀ ਕਿ ਉਨ੍ਹਾਂ ਦੀ ਨੂੰਹ ਗ਼ਲਤ ਨੂੰ ਗ਼ਲਤ ਤੇ ਠੀਕ ਨੂੰ ਠੀਕ ਕਹਿੰਦੀ ਹੈ ਪਰ ਦੇਖਿਆ ਗਿਆ ਹੈ ਕਿ ਜ਼ਿਆਦਾਤਰ ਲੜਕੀਆਂ ਨੂੰ ਆਪਣੀ ਮਾਂ ਦੀ ਹਰ ਗੱਲ ਠੀਕ ਤੇ ਸੱਸ ਦੀ ਹਰ ਗੱਲ ਗ਼ਲਤ ਲਗਦੀ ਹੈ। ਅੱਜ ਲੜਕੀਆਂ ਦੀਆਂ ਮਾਵਾਂ ਵੱਲੋਂ ਲੜਕੀ ਦੇ ਸਹੁਰੇ ਘਰ ਵਿਚ ਬੇਲੋੜੇ ਦਖਲ ਕਾਰਨ ਹਜ਼ਾਰਾਂ ਤਲਾਕ ਹੋ ਰਹੇ ਹਨ, ਜਿਸ ਨਾਲ ਪਤੀ ਤੇ ਪਤਨੀ ਦੋਵਾਂ ਦੀਆਂ ਜ਼ਿੰਦਗੀਆਂ ਨਰਕ ਬਣ ਰਹੀਆਂ ਹਨ। ਸੋ ਲੜਕੀਆਂ ਦੀਆਂ ਮਾਵਾਂ ਨੂੰ ਚਾਹੀਦਾ ਹੈ ਕਿ ਉਹ ਲੜਕੀ ਦੇ ਸਹੁਰੇ ਪਰਿਵਾਰ ਵਿਚ ਬੇਲੋੜਾ ਦਖਲ ਬੰਦ ਕਰਨ ਤੇ ਲੜਕੀਆਂ ਦੀਆਂ ਸੱਸਾਂ ਨੂੰ ਵੀ ਚਾਹੀਦਾ ਹੈ ਕਿ ਉਹ ਨਿੱਕੀ-ਨਿੱਕੀ ਗੱਲ ਨੂੰ ਲੈ ਕੇ ਘਰ ਦੇ ਮਾਹੌਲ ਨੂੰ ਵਿਗੜਨ ਤੋਂ ਬਚਾਉਣ, ਤਾਂ ਹੀ ਕਈ ਸਮੱਸਿਆਵਾਂ ਦਾ ਅੰਤ ਹੋਵੇਗਾ ਤੇ ਇਕ ਸਹੀ ਸਮਾਜ ਦੀ ਸਿਰਜਣਾ ਹੋ ਸਕੇਗੀ।
ਮਾਂ ਦਾ ਸਹੁਰੇ ਘਰ ਵਿਚ ਦਖ਼ਲ ਕਿਸ ਹੱਦ ਤੱਕ? - ਪਲਵਿੰਦਰ ਢੁੱਡੀਕੇ
ਇਸ ਹਾਲਾਤ ਵਿਚ ਲੜਕੀ ਦੇ ਸਹੁਰੇ ਘਰ ਵਿਚ ਕਿਹੋ ਜਿਹਾ ਮਾਹੌਲ ਬਣੇਗਾ, ਇਹ ਅੰਦਾਜ਼ਾ ਸਹਿਜੇ ਹੀ ਲਗਾਇਆ ਜਾ ਸਕਦਾ ਹੈ। ਕਈ ਵਾਰ ਲੜਕੀ ਦੇ ਪੇਕੇ ਲੜਕੀ ਦੇ ਪਤੀ ਦੀ ਆਰਥਿਕ ਤੌਰ 'ਤੇ ਮਦਦ ਵੀ ਕਰਦੇ ਹਨ। ਇਹ ਮਦਦ ਵੀ ਇਸ ਤਰੀਕੇ ਨਾਲ ਹੋਣੀ ਚਾਹੀਦੀ ਹੈ ਕਿ ਉਸ ਦੇ ਪਤੀ ਨੂੰ ਕੋਈ ਹੀਣ-ਭਾਵਨਾ ਮਹਿਸੂਸ ਨਾ ਹੋਵੇ। ਇਕ ਹੋਰ ਅਹਿਮ ਗੱਲ ਇਹ ਹੈ ਕਿ ਲੜਕੀ ਨੂੰ ਚਾਹੀਦਾ ਹੈ ਕਿ ਜੇਕਰ ਉਹ ਆਪਣੀ ਸੱਸ ਦੀ ਕਿਸੇ ਵੀ ਗ਼ਲਤ ਗੱਲ ਦਾ ਵਿਰੋਧ ਕਰਦੀ ਹੈ ਤਾਂ ਉਸ ਨੂੰ ਆਪਣੀ ਮਾਂ ਵੱਲੋਂ ਦਿੱਤੀ ਜਾ ਰਹੀ ਕਿਸੇ ਵੀ ਗ਼ਲਤ ਰਾਇ ਦਾ ਵੀ ਡਟ ਕੇ ਵਿਰੋਧ ਕਰਨਾ ਚਾਹੀਦਾ ਹੈ। ਐਸਾ ਕਰਨ ਨਾਲ ਲੜਕੀ ਦੀ ਆਪਣੇ ਸਹੁਰੇ ਘਰ ਵਿਚ ਇੱਜ਼ਤ ਤਾਂ ਵਧੇਗੀ ਹੀ ਪਰ ਨਾਲ ਹੀ ਇਕ ਵੱਖਰੀ ਪਹਿਚਾਣ ਵੀ ਬਣੇਗੀ ਕਿ ਉਨ੍ਹਾਂ ਦੀ ਨੂੰਹ ਗ਼ਲਤ ਨੂੰ ਗ਼ਲਤ ਤੇ ਠੀਕ ਨੂੰ ਠੀਕ ਕਹਿੰਦੀ ਹੈ ਪਰ ਦੇਖਿਆ ਗਿਆ ਹੈ ਕਿ ਜ਼ਿਆਦਾਤਰ ਲੜਕੀਆਂ ਨੂੰ ਆਪਣੀ ਮਾਂ ਦੀ ਹਰ ਗੱਲ ਠੀਕ ਤੇ ਸੱਸ ਦੀ ਹਰ ਗੱਲ ਗ਼ਲਤ ਲਗਦੀ ਹੈ। ਅੱਜ ਲੜਕੀਆਂ ਦੀਆਂ ਮਾਵਾਂ ਵੱਲੋਂ ਲੜਕੀ ਦੇ ਸਹੁਰੇ ਘਰ ਵਿਚ ਬੇਲੋੜੇ ਦਖਲ ਕਾਰਨ ਹਜ਼ਾਰਾਂ ਤਲਾਕ ਹੋ ਰਹੇ ਹਨ, ਜਿਸ ਨਾਲ ਪਤੀ ਤੇ ਪਤਨੀ ਦੋਵਾਂ ਦੀਆਂ ਜ਼ਿੰਦਗੀਆਂ ਨਰਕ ਬਣ ਰਹੀਆਂ ਹਨ। ਸੋ ਲੜਕੀਆਂ ਦੀਆਂ ਮਾਵਾਂ ਨੂੰ ਚਾਹੀਦਾ ਹੈ ਕਿ ਉਹ ਲੜਕੀ ਦੇ ਸਹੁਰੇ ਪਰਿਵਾਰ ਵਿਚ ਬੇਲੋੜਾ ਦਖਲ ਬੰਦ ਕਰਨ ਤੇ ਲੜਕੀਆਂ ਦੀਆਂ ਸੱਸਾਂ ਨੂੰ ਵੀ ਚਾਹੀਦਾ ਹੈ ਕਿ ਉਹ ਨਿੱਕੀ-ਨਿੱਕੀ ਗੱਲ ਨੂੰ ਲੈ ਕੇ ਘਰ ਦੇ ਮਾਹੌਲ ਨੂੰ ਵਿਗੜਨ ਤੋਂ ਬਚਾਉਣ, ਤਾਂ ਹੀ ਕਈ ਸਮੱਸਿਆਵਾਂ ਦਾ ਅੰਤ ਹੋਵੇਗਾ ਤੇ ਇਕ ਸਹੀ ਸਮਾਜ ਦੀ ਸਿਰਜਣਾ ਹੋ ਸਕੇਗੀ।
098724-96720
ਧੰਨਵਾਦ ਸਾਹਿਤ ਅਜੀਤ ਜਲੰਧਰ 'ਚੋਂ 17.09.2011
